NASKAH DRAMA "MORUNI NILAI RAPORT"

Contoh Drama Memakai Bahasa Simalungun

NASKAH DRAMA "MORUNI NILAI RAPORT"

   

   Bani nasadari,bani sada sikkolah dong dua halak namarsanina angkat sanggah marbual-buali pasal nilai ujian semester ni sidea.

Dhea : ” Dame,patar mambagi raport na balau,lang gobir ho?”
Dame : “ Gobir Halani aha?”
Dhea : “ Gobir halani nilai raportmu sambor.”
Dame : “ Mase gobir?”
      “ Pandei do au,pasti do au juara.”
      “ Sanggah ujian hari napaduahon au ranking dua do.”
Dhea : “ Age pe ho pandei,maningon marlajar ma ho torus Dame,ulang i agan ho,ho
             juara sada,halani pandei ho,tapi lang marlajar.”
Dame : “ Terserah ho ma,Dhe.”
      “ Domma lonceng Dhea,baris ma hita.”

    Anjaha sidea nadua pe marbaris ma.Dob honsi marbaris,ihorjahon sidea ma aktivitas sikkolah, dob honsi mulak sikkolah,mulak ma sidea hu rumah ni sidea,ihorjahon sidea ma aktivitas sidea i rumah das hubani na laho modom sidea.Patar na ai juppah ma ari na mambahen sidea gobir.

Dame : “ Au pasti dapot ranking tolu.”
Dhea : “ Hoja dalani ranking tolu?”
    “ Holi ma ai ipastihon hita,sonari laho ma hita hu sikkolah.”

    Anjaha laho ma sidea hu sikkolah,dob das i sikkolah,ihorjahon sidea ma aktivitas sikkolah,das hubani panorang bagi raport hasil Ujian Semester.

Debora : “ Salamat siang murid-murid.”
Ganup murid : “ Salamat siang bu guru.”
Debora : “ Sadarion ibagi hita ma raport hasil Ujian Semester nima,hasil ni dong
                mambahen kecewa janah dong homa na mambanggahon.Sonari nadilo ma
                juara sada das hubani tolu.”
       “ Juara sada aimaaa ‘ Dhea ‘! Dhea roh hu lobei.”
       “ Juara dua aimaaa ‘‘ Arie “ ! Arie pe roh ma ho hu lobei.”
       “ Anjaha juara tolu aimaaa ‘ Benris ‘ ! Ganup martopak !”
       “ Dhea tolong bagihon raporthon dong hubani goranni.
Dhea : “ Dear bu guru.”

    Sanggah si Dhea mambagi raport,ganupan mampardiatei hasil dear.Anjaha sanggah si Dame manonggor hasil raportni,pusok uhurni anjaha marhoru.Ilajo hasomanni do pasonanghon uhurni.

Arie : “ Dame,sukkup ma,lang pala pusok uhurmu,halani na lapa pokkut ai do ho
                marlajar.”
Benris : “ Sukkup ma Dame,lang pala pusok uhurmu,sabar ma da.”
Dhea : “ Halani na sombong do ho,Dame!”
           “ Gabe ranking sapuluh tolu ma ho.”
Dame : “ Aima,sedih tumang au dapot ranking sapuluh tolu.”
      “ Tapi aima,ai dasa naboi dapot au.”
      “ Mabiar do au igilai inang do au.”
Dhea : “ Kan ho do na salah?”
Arie : “ Sukkup ma ai,domma ho mambahen na dear.”

    Dob ai mulak ma haganup murid hu rumah.Si Dhea ibagas malas ni uhur mulak hu rumah,janah si Dame ibagas nahoru mangihuthon sidea sanina angkatni.Dob das I rumah…

Dhea   :  “ Bapa,inang au juara sada bapa!”
              “ Jago do au kan inang?”
Asima :   “ Jago do ho tongon anakku.”
        “ Si Dame ija?”
Dhea   :  “ Ijai do ia inang.”
Asima :  “ Dame,hujon lobei ho,borukku!”
Dame :  “ Ranking sapuluh tolu do au inang,kecewa do au.”
Liber   : “ Ai naha do ho Dame?”
       “ Seng maila ho age otik pe?”
        “ Sidea boi juara,ho lang!”
        “ Hu agan ho boi iandalhon.”
Asima : “ Sukkup ma ai bapa,ungga manggila be ham,holi boritan ham.
Liber   : “ Sukkup ma inang! Sonon do anakku!”
       “ Kecewa do au ibahenni.”
Dame : “ Sukkup ma bapa.”
      “ Ulang manggila-gila ham hubakku.
Dhea : “ Aima da bapa.holi boritan ham halani on!”
Asima : “ Sukkup ma da bapa.”
Liber :  “ Sukkup ma Dame.”
            “ Sahali nari ulang ulakkon be.”
Dame : “ Eak bapa.”
      “ Marjanji pe au.”
Dhea : “ Okelah.”
          “ Bapa,inang,Dame eta ma mangan! Domma lohean tumang au!”
Asima : “ Eta ma borukku,hu pamasak do dayok na I gulei harosuhni nima nadua,halani
             domma Marupaya hanima mambahen na dear.”
Dhea & Dame : “ Tarima kasih ma da inang.” ( memeluk Asima ).
Asima : “ Iyalah,borukku na dua on.”

    Anjaha mangan rup ma sidea na sakaluarga bagas malas ni uhur anjaha lang be pusok uhur si Dame halani sayang tumang do kaluargani hubani.

TAMAT

SC :

http://artandteen.blogspot.co.id